Təyyarənin mühərriki partladı: dəhşətli anların VİDEOSU

Aprelin 17-də “Southwest” Hava Yollarının “Boinq 737-700” tipli təyyarəsi qəza şəraitində enməyə məcbur olub. Uçuş zamanı mühərriki partlayan sərnişin təyyarəsi Filadelfiya Beynəlxalq Aeroportuna üz tutub.

Avtosfer.az Axar.az-a istinadən xəbər verir ki, Nyu Yorkun “La Guardia” Beynəlxalq Aeroportundan Dallas şəhərinə uçan 1380 nömrəli reys təxminən saat 11:27-də, yəni fövqəladə vəziyyət elan olunduqdan 12 dəqiqə sonra Filadelfiyada eniş edib. Sərt eniş səbəbindən 1 nəfər həlak olub, yüngül xəsarət alan 7 nəfər dərhal xəstəxanaya çatdırılıb.

“Southwest”in verdiyi məlumata görə, təyyarədə 143 sərnişin və beş heyət üzvü olub.

***

Havada ikən mühərriki partlayan "Boinq 737-700" təyyarəsinin qəza enişinin salonda doğurduğu həyəcanı əks etdirən video yayılıb. Son məlumata görə, bir qadın ölüb, 20 sərnişin isə yaralanıb.