Toydan qayıdan sərxoş kişi avtomobili aşırdı, 11 yaşlı oğlu öldü: Qəbələdəki qəzanın TƏFƏRRÜATI

Şəki Ağır Cinayətlər Məhkəməsində 11 yaşlı oğlunun ölümündə təqsirləndirilən 34 yaşlı Polad Ağababayevin cinayət işi üzrə məhkəmə prosesi başa çatıb.

Avtosfer.az oxu.az-a istinadən xəbər verir ki, prosesdə təqsirləndirilən şəxsə hökm oxunub. Məhkəmənin hökmü ilə P.Ağababayev 5 il azadlıqdan məhrum edilib. O, cəzasını məntəqə tipli cəzaçəkmə müəssisəsində çəkəcək.

İttihama görə, hadisə Qəbələ rayonunun Soltannuxa kəndi ərazisində baş verib. Qəbələ rayon sakini 1992-ci il təvəllüdlü Polad Ağababayev qohumunun toy mərasimində spirtli içki qəbul etdikdən sonra sərxoş vəziyyətdə evinə qayıtmaq istəyib. O, 11 yaşlı oğlu ilə birlikdə “Opel” markalı avtomobilində evinə qayıdarkən yolda idarəetməni itirib və avtomobil aşıb. Hadisə nəticəsində P.Ağababayev xəsarət alıb, oğlu Z.Ağababayev isə xəstəxanada dünyasını dəyişib.