Uçan aparat qəzaya uğrayıb, ölən və yaralanan var

Fransanın İzer departamentində yüngül uçan aparatın qəzaya uğraması nəticəsində 1 nəfər ölüb, daha 1-i yaralanıb. “Report” RİA "Novosti"yə istinadən xəbər verir ki, bu barədə "Europe1" radiostansiyası məlumat yayıb.

Hadisə bazar günü departamentin şimal hissəsində baş verib. Qurğunun göyərtəsində 2 nəfər olub.

Hadisə nəticəsində 52 yaşlı kişi yerində ölüb, 30 yaşlı digər şəxs isə ağır yaralanaraq Qrenobl xəstəxanasına yerləşdirilib.

Jandarmeriya hadisə ilə bağlı araşdırmaya başlayıb.