Xanım sürücü orta yaşlı piyadanı vurub - Yasamalda

Paytaxtın Yasamal rayonunda piyadanın vurulması ilə nəticələnən yol-nəqliyyat hadisəsi baş verib. “Report” xəbər verir ki, 1977-ci il təvəllüdlü Rəsulov Eldar Əlibayram oğlu Botanika bağı yaxınlığında yolu keçmək istəyərkən onu xanım sürücünün idarə etdiyi "Hyundai" markalı avtomobil vurub. Yaralı "təcili yardım" vasitəsilə xəstəxanaya yerləşdirilib. Faktla bağlı Yasamal Rayon Polis İdarəsində araşdırma aparılır.