Yaşlı qadını avtomobil vurub - Bakıda

Bakının Nizami rayonunda piyadanın vurulması ilə nəticələnən yol-nəqliyyat hadisəsi baş verib. “Report” xəbər verir ki, mikroavtobus 8-ci kilometr qəsəbəsində yol kənarında dayanmış 1967-ci il təvəllüdlü Babayeva Gülnarə Rəşad qızının ayağının üzərindən keçib. Qadın ayağından xəsarət alaraq 3 saylı Kliniki Tibbi Mərkəzə yerləşdirilib. Fakt Nizami Rayon Polis İdarəsinin əməkdaşları tərəfindən araşdırılır.