Yük avtomobili aşdı: 12 ton şokolad asfalta dağıldı  - FOTO

Polşada maraqlı hadisə baş verib. Avtosfer.az milli.az-a istinadən xəbər verir ki, əridilmiş südlü şokolad daşıyan yük avtomobilinin qəzaya uğraması nəticəsində tonlarla şokolad asfalta dağılıb. Yük avtomobilinin səkiyə çırpılıb, aşması nəticəsində sürücü ağır bədən xəsarətləri alıb və yük yerindəki ərimiş şokolad yerə tökülüb. Asfalta dağılan 12 ton şokolad bərkiyib və yolda nəqliyyatın hərəkətinə mane olub. Hadisə Poznan ilə Konin şəhərini birləşdirən magistral yolda baş verib. Polisin verdiyi məlumata görə, sürücü xəstəxanaya çatdırılıb, asfalt isə qaynar su ilə yuyulub.