Yük maşını körpüdən aşıb - Siyəzəndə

Siyəzəndə yük maşını körpüdən aşıb. Avtosfer.az-ın "Report"a istinadən xəbər verir ki, Biləsuvar rayon sakini 1963-cü il təvəllüdlü Babayev Şəmsəddin Nuruş oğlu idarə etdiyi yük maşınını Quba-Bakı yolunun Siyəzən rayonu ərazisindən keçən hissəsində olan körpüdən aşırıb. Sürücü xəsarət alsa da ona tibbi yardım göstərilməsindən imtina edib. Faktla bağlı araşdırma aparılır.