Yük maşını mikroavtobusla toqquşdu: ölən və xəsarət alanlar var - Bakı-Ələt yolunda

Bakı-Ələt yolunda yük maşını mikroavtobusla toqquşub. APA-nın məlumatına görə, hadisə Bakı-Ələt-İran sərhədi yolunun Cəlilabad rayonu ərazisindən keçən hissəsində qeydə alınıb. Cəlilabad rayon sakini Səid Məmmədovun idarə etdiyi “Shacman” markalı yük maşını Masallı rayon sakini İmran Dadaşovun idarə etdiyi “Ford Tranzit” markalı avtomobillə toqquşub. Qəza nəticəsində “Ford”un sürücüsü hadisə yerində ölüb. Onun idarə etdiyi avtomobildə olan daha 3 nəfər xəsarətlə xəstəxanaya yerləşdirilib.

Faktla bağlı araşdırma aparılır.