Yük maşınının aşdı: magistral yol bağlanıb - Zaqatalada

Zaqatalada yük maşınının aşması nəticəsində magistral yol bağlanıb. Avtosfer.az-ın APA-ya istinadən məlumatına görə, bu gün səhər saatlarında Yevlax-Zaqatala-Gürcüstan magistral yolunun Zaqatala rayonu Tala kəndi ərazisindən keçən hissəsində “Mesedes” markalı yük maşını yol kənarındakı divara dəyərək yola aşıb. Qəzada xəsarət alan olmasa da, maşına ciddi ziyan dəyib. Magistral yol Bakı istiqamətində 1 saata yaxın bağlı qalıb. Qısa müddət ərzində maşın yoldan kənarlaşdırılıb. Yolda avtomobillərin hərəkəti bərpa edilib. İlkin məlumata görə qəzaya səbəb qəfil leysan yağması olub. Sürücünün əyləci basması nəticəsində maşın sürüşərək yoldan çıxıb və aşıb. Faktla bağlı araşdırma aparılır.