Yüksək sürət qəzaya səbəb oldu

Tovuzda sürücünün xəsarət alması ilə nəticələnən yol qəzası baş verib. Avtosfer.az xəbər verir ki, hadisə Tovuz şəhərində qeydə alınıb. Rayon sakini, 1998-ci il təvəlüdlü Aslanov Teymur Telman oğlu idarə etdiyi avtomobillə hərəkət edərkən idarəetməni itirib. Bu zaman maşın yol kənarındakı maneəyə çarpılıb. Qəza nəticəsində sürücü bədən xəsarətləri alaraq xəstəxanaya yerləşdirilib. Onun vəziyyətinin kafi olduğu bildirilir.

Faktla bağlı araşdırma aparılır.

Avtosfer.az