İnsan bədəni artıq özünü SOYUDA BİLMİR - Yer kürəsində yeni təhlükə

Qlobal istiləşmə nəticəsində havadakı rütubət səviyyəsinin artması insan orqanizmi üçün ciddi təhlükə yaradır. Avtosfer.az xəbər verir ki, klimatoloqların bildirdiyinə görə, rütubət 95–99 faiz həddinə çatdıqda insan bədəninin əsas müdafiə mexanizmlərindən biri olan tərin buxarlanması demək olar ki, dayanır. Bu isə bədənin təbii şəkildə soyumasını çətinləşdirir. Məlumata əsasən, belə şəraitdə insan hətta kölgədə olarkən belə həddindən artıq qızma riski ilə üzləşə bilər. Bu vəziyyət halsızlıq, başgicəllənmə, istilik vurması və digər sağlamlıq problemlərinə səbəb ola bilər. Alimlər hesab edirlər ki, yaxın illərdə kondisionerlər bir çox bölgələrdə sadəcə rahatlıq vasitəsi deyil, həyati zərurətə çevriləcək.