"Süni intellektlə dezinformasiyalar da yayılır" - Kibertəhlükəsizlik şöbəsinin rəisi

"Süni intellekt vasitəsilə dezinformasiyaların yayılması hallarına rast gəlinir".

Avtosfer.az-ın Oxu.az-a istinadən məlumatına görə, bunu Baş Prokurorluğun "Instagram" sosial şəbəkə səhifəsindəki canlı yayımda qurumun Kibertəhlükəsizlik şöbəsinin rəisi Aydın Verdiyev bildirib.

O qeyd edib ki, süni intellekt texnologiyaları hüquqi baxımdan müəyyən risklər də yaradır:

"Bir sıra hallarda avtomatlaşdırılmış fişinq kampaniyalarının təşkili, dezinformasiyaların yayılması müşahidə olunur. Bu texnologiyalar cinayətkarlar tərəfindən istifadə olunur. Kibertəhlükəsizliklə bağlı bir çox məlumatlar aşkarlanır. Süni intellektdən istifadə edərək bunlara qarşı mübarizə də effektiv nəticələnir".