“Aeroflot” özəlləşdirilə bilər

Rusiyanın “Aeroflot” aviaşirkəti özəlləşdirilə bilər. Avtosfer.az trend-ə istinadən xəbər verir ki, bu barədə şirkətin baş direktoru Vitali Savelyev TASS agentliyinə müsahibəsində deyib. Bununla belə o qeyd edib ki, özəlləşdirmə prosesi Rusiya istehsalı olan aviatexnikanın şirkət tərəfindən alınmasından sonra baş verməlidir. V.Savelyevin sözlərinə görə, hazırda “Aeroflot”un dəyəri 3 milyard dollardan çoxdur. Baş direktor şirkətin səhmlərinin 15 faizədək bahalaşa biləcəyini də qeyd edib. O, həmçinin qeyd edib ki, hazırda aviaşirkətin səhmlərinin 49 faizi özəl investorlara məxsusdur.