Bakı Metropolitenindən yeni xidmət - Sxem

Bakı Metropoliteni QSC-nin rəsmi saytında olduğunuz stansiyadan gedəcəyiniz satnsiyaya nə qədər məsafə qət edəcəyinizi öyrənə bilərsiniz. Avtosfer.az Axar.az-a istinadən xəbər verir ki, Bakı Metropoliteni rəsmi saytı vasitəsilə sərnişinlərin işini asanlaşdırmaq üçün belə bir xidmət təqdim edib. Sərnişin bir stansiyadan bir başqa stansiyaya nə qədər müddətə getdiyini sayt vasitəsilə öyrənə bilir. Rəsmi saytın ana səhifəsində mövcud olan metro stansiyalarının xəritəsində olduğunuz və getmək istədiyiniz stansiyaları seçirsiniz. Sayt avtomotik olaraq sizə iki stansiya arasında nə qədər məsafə olduğunu və bu məsafəni neçə dəqiqəyə qət edəcəyinizi göstərir. Saytın bu xidməti həm sərnişinlərin işini asanlaşdırır, həm də seçim etmək imkanı verir. Bakı Metropoliteni QSC-nin mətbuat xidmətinin rəhbəri Nəsimi Paşayev bildirib ki, saytın bu xidməti elə ilk gündən fəaliyyət göstərir. Metropolitenin rəsmi saytında qarşınıza çıxan xəritədə bunu öyrənmək mümkündür.