Bakıda daha bir küçə genişləndirilir - VİDEO

Günün pik saatlarında tıxac yaranan yol genişləndilir. Avtosfer.az xəbər verir ki, Yasamal rayonu Abdulvahab Salamzadə küçəsində olan yolun genişləndirilməsinə ötən gündən başlanılıb. Artıq ərazidə eni 2 metr olmaqla 376 metr ərazidə yaşıllıq kolları və bordürlər götürülüb, yol yatağı hazırlanıb və asfaltlama işlərinə başlanılıb. Düşünülür ki, işlər başa çatdıqdan sonra ərazidə yaranan tıxaclar əhəmiyyətli dərəcədə azalacaq.

Qeyd edək ki, genişəndirmə işi yolun yalnız Yasamal rayon polis idarəsinin qarşısındakı hissədə aparılacaq. Digər tərəfə toxunulmayacaq. İşlərin növbəti həftənin əvvəlinə kimi yekunlaşdırılması planlaşdırılır.