Londonda avtobuslar qeyri-adi yanacaqla çalışacaq

London nəqliyyat idarəsi şəhər avtobuslarının bir hissəsini qəhvə qalığından istehsal edilmiş biodizel yanacağına keçirir. Britaniya höküməti havanın çirklənməsini azaltmaq üçün daha çox bioloji yanacaqdan istifadə edir. Ancaq ilk dəfədir ki, London rəhbərliyi şəhər nəqliyyatında paytaxtda artıqlaması ilə istehsal olunan qəhvə tullantılarından yanacaq kimi istifadə edəcək.

Sahibkar Artur Kee tərəfindən yaradılan bio-bean Britaniya startapı qəhvə çöküntüsünü sənaye üsulu ilə yenidən emal edir və alınan məhsulu Britaniya şirkətlərinə satır, hansılar ki, ondan binaların istilik sistemi və avtomobillər üçün yanacaq kimi istifadə edirlər.

Bio-bean-ın məlumatına görə, London sakinləri hər il 200 min ton qəhvə tullantısı istehsal edir. Qeyd edək ki, hər ton qəhvə tullantısı havaya 6,8 ton karbon qazının buraxılmasının qarşısını alır. BBC yazır ki, bir London avtobusunu yanacaqla təmin etmək üçün sakinlər və paytaxtın qonaqlarına ildə 2,55 milyon fincan qəhvə içmək lazımdır.

Xatırladaq ki, Bio-bean-da Böyük Britaniyanın ən böyük mülkədarı və ölkənin ən zəngin şəxslərindən biri Vestminster hersoqu Hyu Riçard Luis Qrosvenor çalışır.

avtoreyd.az