Metronun daha bir stansiyasında yenilik - FOTO

"Bakı Metropoliteni" Qapalı Səhmdar Cəmiyyəti (QSC) metronun daha bir stansiyasında sərnişin sıxlığının yaranmaması üçün əlavə turniketlər quraşdırıb. Avtosfer.az xəbər verir ki, bu barədə Trend-ə "Bakı Metropoliteni" QSC-nin mətbuat xidmətinin rəhbəri Nəsimi Paşayev məlumat verib. Qurum rəsmisi bildirib ki, metronun "Şah İsmayıl Xətai" stansiyasında iki yeni turniket quraşdırılıb: "Turniketlərin sayının artırılmasına səbəb həmin stansiyaların yaxınlığında böyük tədbirlər keçirildikdə və pik saatlarda metro stansiyalarında yaranacaq sərnişin sıxlığının qarşısını almaqdır". Qeyd edək ki, bundan əvvəl metronun 3 stansiyasında - "Koroğlu", "Sahil" və "Gənclik" stansiyalarında turniketlərin sayı artırılmışdı.