Mübariz İbrahimovun kəndinin yolu yenidən qurulub - VİDEO

“Azəravtoyol” ASC Biləsuvar rayonunun Əliabad kəndinin giriş yolunu əsaslı şəkildə təmir edib. Bu barədə Avtosfer.az quruma istinadən xəbər verir ki, yolun uzunluğu 2 km-dir və başlanğıcını Ələt – Astara - İranla dövlət sərhədi avtomobil yolunun 106 km-dən götürür. Təmir-tikinti işləri çərçivəsində əvvəllər eni 4 metr olan yolun hərəkət hissəsi genişləndirilərək 6 metrə çatdırılıb. Bunun üçün zəruri olan yerlərdə yolun yararsız qruntu qazılaraq çıxarılıb, əvəzinə xüsusi material tökülərək yeni yol yatağı inşa edilib, yol əsasının tikintisi işləri aparılıb. 2 hərəkət zolaqlı olan yolun kənarlarında 1 m enində çiyinlər qurulub. Torpaq işlərindən sonra yolun asfaltlanması istiqamətində addımlar atılıb. Ümumilikdə isə yolun 12 min m2 sahəsinə yeni asfalt-beton örtüyü döşənib, yol boyu mövcud suötürücü borular təmir edilib. Daha sonra zəruri olan yerlərdə14 ədəd yol nişanı və məlumatverici lövhə quraşdırılıb, yolun üfiqi nişanlanma xətlərinin çəkilişi işləri aparılıb.

Fərid