Naxçıvan-Məşhəd sərnişin qatarı fəaliyyətə BAŞLADI
Yeniliklər
30 Dekabr 2016 17:24
Oxunub 2036
Naxçıvandan yola düşən sərnişin qatarı 1858 kilometr məsafə qət etdikdən sonra Məşhəd şəhərinə çatır
Bu gün Naxçıvan-Təbriz-Tehran-Məşhəd sərnişin qatarı fəaliyyətə başlayıb. Avtosfer.az xəbər verir ki, bu barədə "Naxçıvan Dəmir Yolları" MMC-nin mətbuat xidmətindən apa-ya verilən məlumata görə, bu gün saat 11:00-da sərnişin qatarı ilə 57 sərnişin Naxçıvandan İrana yola salınıb.
Qeyd edək ki, Naxçıvan-Təbriz-Tehran-Məşhəd sərnişin qatarı həftədə 2 dəfə fəaliyyət göstərəcək. Bilet satışı Naxçıvan və Culfa dəmiryol stansiyalarında həyata keçirilir. Kupe tipli müasir sərnişin vaqonları yataq dəsti ilə təmin olunub və sərnişinlərin rahatlığı üçün lazımi şərait yaradılıb. Naxçıvandan yola düşən sərnişin qatarı 1858 kilometr məsafə qət etdikdən sonra Məşhəd şəhərinə çatır.
ŞƏRH YAZ
