Qatarlarda biletin qiyməti artırıldı - VİDEO

Sərnişin və sürət qatarlarında biletin qiymətləri artırılır. Sözügedən qatarlarda baza tarifinə kupe və plaskart tipli vaqonlarda aşağı yerlərə 1,2 əmsalı tətbiq ediləcək. Avtosfer.az-ın məlumatına görə, dəyişiklik 15 iyul tarixindən tətbiq ediləcək. Amma buna baxmayaraq, bu gündən ayın 15-i və ya daha sonrakı tarixlərə bilet alanlar yeni qiymətlərlə ödəniş edirlər. Qiymət artımı təxminən 20% ətrafındadır. Artım biletin öz qiymətinə deyil, tarif bazasına təsir edəcək. Məsələn, əgər kupe və ya plaskart qatara aşağı yerə bileti 3 manata alırdınızsa, indi bu məbləğ 20 % baha başa gələcək.

"Azərbaycan Dəmir Yolları" Qapalı Səhmdar Cəmiyyətinin bu addımı ölkədaxili qatarlara şamil ediləcək. Bakı-Tbilisi qatarlarında isə Böyük Kəsik keçid məntəqəsinə qədər kupe və plaskart tipli vaqonlara bilet alanlar da bu fərqi hiss edəcəklər.