Rusiya-Azərbaycan sərhədində avtomobil körpüsü tikiləcək

Rusiyanın Dövlət Ekspertiza Baş İdarəsi ölkənin Azərbaycanla sərhədində Samur çayı üzərində avtomobil körpüsünün tikinti layihəsinə müsbət rəy verib. Avtosfer.az-ın Trend-ə istinadən məlumatına görə, yeni transsərhəd avtomobil körpüsü hazırda fəaliyyət göstərən körpüdən 60 metr məsafədə tikiləcək. Layihəyə əsasən, 1957-ci ildə tikilmiş körpü və ətraf infrastruktur da rekonstruksiya ediləcək. Körpünün uzunluğu 325,3, eni 17,3 metr təşkil edəcək. Körpünün seysmik davamlılığı 9 bala bərabər olacaq.