Tıxaca qarşı işıqforlar quraşdırıldı - "20 Yanvar"da

Bakının "20 Yanvar" dairəsində avtomobillərin sıxlıq təşkil etdiyi ərazidə quraşdırılan işıqforlar istifadəyə verilib. Avtosfer.az xəbər verir ki, ötən gün axşam saatlarından ən çox sıxlıq yaşanan bu ərazinin 4 bir tərəfində işıqforlar işə salınıb.

Bakı Şəhər Baş Polis İdarəsinin Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovniki Vaqif Əsədov azvision.az-a bildirib ki, əsas məqsəd həmin ərazidə hərəkətin təhlükəsizliyini təmin etmək və "20 Yanvar" dairəsindəki sıxlığın aradan qaldırılmaqdır.

Qeyd edək ki, indiyə qədər həmin ərazidə işıqfor olmadığından hərəkət DYP əməkdaşları tərəfindən tənzimlənirdi.