BDYPİ “Road & Traffic 2026” sərgisində iştirak edir - VİDEO

BDYPİ “Road & Traffic 2026” sərgisində iştirak edir.

Avtosfer.az xəbər verir ki, Daxili İşlər Nazirliyinin Baş Dövlət Yol Polisi İdarəsi (BDYPİ) 14–16 oktyabr tarixlərində Bakı Ekspo Mərkəzində keçirilən “Road & Traffic 2026” beynəlxalq sərgisində təmsil olunur.

Sərgidə idarənin fəaliyyətində istifadə olunan müasir texniki avadanlıqlar, yol hərəkətinə nəzarət sistemləri və innovativ texnologiyalar nümayiş etdirilir. Ziyarətçilərə bu vasitələrin funksional imkanları və tətbiq sahələri barədə məlumat verilir.

Sərgidə iştirakın məqsədi yol hərəkəti təhlükəsizliyi sahəsində müasir texnologiyaların imkanlarını tanıtmaq, görülən işlər barədə ictimaiyyəti məlumatlandırmaq və yol-nəqliyyat hadisələrinin qarşısının alınmasında innovativ həllərin əhəmiyyətini diqqətə çatdırmaqdır.