Idmançılarımız yeni federasiyanın açılışında – FOTOLAR

Ötən gün Bakı Biznes Universitetində “Wing Chun” Döyüş Sənəti Federasiyasının açılması ilə bağlı mətbuat konfransı keçirilib.

Primetime.az xəbər verir ki, bu döyüş sənəti 10 ildən artıq Azərbaycanda tədris olunmağa başlayıb. Artıq bu ildən etibarən isə federasiya kimi fəaliyyət göstərir.

Tədbirə dəvət olunmuş qonaqlar arasında Bakı Şəhər Baş İdman İdarəsinin rəisi Raqif Abbasov yer alıb. O federasyanın təşkilatçılığı ilə mütamadi olaraq paytaxt və  ölkə çempionatlığının keçiriləcəyinin və regionlarda da nümayəndəliklərin yaradılacağını söyləyib:

“İnşallah uğurlarınız bol olar. Bu federasyada yetişən idmançılarımız  bütün yarışlarda bizim dövlət himnimizi səsləndirər”.

Daha sonra idarə heyətinin üzvlərinə vəsiqələr təqdim olunub.

Keçirilən mətbuat konfransında federasiyanın gələcək planları və qarşısına qoyduğu məqsədlər haqqında federasiyanın prezidenti beynəlxalq dərəcəli usta Asif Sayadov ətraflı məlumat verib.

Tədbirə dəvət olunmuş qonaqlar arasında millət vəkili Ülvi Quliyev, məşhur idmançılarımız Elnur Məmmədli, Rafael Ağayev, Eduard Məmmədov, Rəşad Əhmədov, Hacı Əliyev, Nizami Paşayev, Şahin İmranov, Elçin Eminov və başqaları yer alıb.