Yol polisi Abşeron məktəblilərini maarifləndirdi - FOTO
Yol polisi
16 May 2018 13:18
Oxunub 3457
Bu cür tədbirlər davamlı olaraq digər məktəblərdə də təşkil olunacaq
Bu gün Baş Dövlət Yol Polisi İdarəsinin təşkilatçılığı ilə Abşeron rayonu, 9 saylı orta məktəbdə maarifləndirmə tədbiri keçirilib. Tədbirdə Abşeron rayon dövlət yol polisi şöbəsinin əməkdaşları da iştirak edib. Tədbirin əsas məqsədi məktəblilər arasında yol hərəkəti qaydalarını təbliğ etmək, onların bu istiqamətdə biliklərini artırmaqdır.
Tədbirdə çıxış edən Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis mayoru Rüfət Quliyev məktəblilərin çoxsaylı suallarını cavablandırıb, onlara öz tövsiyələrini verib. Tədbir məktəblilərin fəallığı ilə yadda qalıb.
Daha sonra isə Baş Dövlət Yol Polisi İdarəsi tərəfindən çap olunan "Yol hərəkəti qaydalarının əlifbası" kitabı şagirdlərə paylanılıb.
Bu cür tədbirlər davamlı olaraq digər məktəblərdə də təşkil olunacaq.
ŞƏRH YAZ
DİGƏR XƏBƏRLƏR
