YPX avtomobilinin iki videosu: biri yaxşı, biri pis - VIDEO

Bakıda həm qanunsuz hərəkəti ilə, həm də nümunəvi,alqışlanası əməli ilə kameralara düşən patrul avtomobilinin sürücüsünün görüntüləri sosial şəbəkələrdə müzakirə obyektivinə çevrilib.

Avtosfer.az xəbər verir ki, 99-YP-267 qeydiyyat nişanlı YPX avtomobilinin birinci görüntüsündə sürücü, sayrışan işıqları və xüsusi səs siqnalını qoşmadan və dönmə işıqlarından istifadə etmədən həm hərəkət sürətini aşır, həm də ziqzaqvari hərəkətlər edir. Bu görüntü izləyicilər tərəfindən yaxşı qarşılanmayıb. Onlar iddia edir ki, bu cür hərəkəti hansısa bir vətəndaş etsəydi onun əməlini "Avtoxuliqan" kimi qiymətləndirərək rəsmiləşdirəcəkdilər.

İkinci görüntüdə isə yolun kənarında dayanaraq başını aşağı salan sürücünü görüb narahatlıq hiss edən qeyd etdiyimiz patrul avtomobilinin sürücüsü, sayrışan işıqları və xüsusi səs siqnalını qoşaraq həmin sürücüyə yaxınlaşır və hansısa bir problemin olub-olmamasını soruşur. Sürücü isə Bakıxanov qəsəbəsinə gedəcəyini və naviqatorda həmin yeri axtardığını bildirir. Polis əməkdaşı sürücünü müşaiyət edərək Bakıxanov qəsəbəsinə getməyini təmin edib. Sürücü polis əməkdaşının bu cür nümunəvi əməlindən BDYP rəhbərliyinə təşəkkür məktubu ünvanlayıb.

Təbriz