2024-cü ildə ən çox satılan avtomobillər - FOTO

2024-cü ildə dünyada ən çox satılan avtomobillərin statistikası açıqlanıb. 

Avtosfer.az xəbər verir ki, bu il ən çox satılan maşın “Tesla”nın Y modeli olub – 1 900 000 ədəd.  İlk dəfədir elektromobil siyahıda birinci yerdə qərarlaşır.
Növbəti yerləri “Toyota”nın “Corolla” (1 800 000 ədəd) və RAV 4  modelləri (1 200 000) bölüşür.

Siyahıda 4-cü yerdə 900 min avtomobillə “Ford F-150” və 740 min avtomobillə “Honda CR-V” dayanır. 
Avtomobil sənayesinin beşiyi olan Almaniyadan ilk onluğa yalnız “Volkswagen” düşə bilib. Konsernin ən çox satılan modeli “Tiguan” olub – 540 000 ədəd. 

Dünya üzrə konkret modelin satışına görə “Tesla” irəlidə olsa da, ümumi satış həcmində liderlik “Toyota”ya məxsusdur. İlk onluqda Gündoğar ölkəyə məxsus markanın 3 modeli yer alır. Siyahıda 8-ci yerdə qərarlaşan “Camry” modeli ötən il 580 000 ədəd satılıb.

Vüqar Yaşaroğlu