Almaniyanın avtomobil sektorunda 225 min əməkdaş ixtisar ediləcək

Almaniyanın avtomobil sənayesində yaxın illərdə iş yerlərinin sayı gözləniləndən daha çox azalacaq. 

Avtosfer.az xəbər verir ki, bunu Almaniya Avtomobil Sənayesi Birliyinin (VDA) sədri Hildeqard Müller bildirib.

Əvəvlki proqnoza görə 2019-2035-ci illərdə Almaniyanın avtomobil sənayesində 190 min iş yerinin ixtisar ediləcəyi gözlənilirdi. Xanım Müller qeyd edib ki, bu göstərici indi 225 minə qaldırılıb. 2019-2025-ci illərdə artıq 100 min  nəfər işlə vidalaşıb.

Bu vəziyyətdən ən çox zərər görən detal istehsalçılarıdır. Elektrik mühərrikinə keçidə görə onlar on minlərlə işçini ixtisar edirlər.

Müllerin fikrincə, daxiliyanma mühərrikli avtomobillərin istehsalına və istismarına 2035-ci ildən sonra icazə verilərsə, Almaniyada azı 50 min iş yerini qorumaq mümkündür.

Vüqar