Almanların 94 faizi bu maşına nifrət edir – RƏY SORĞUSU 

Bir neçə aya qədər almanların ciddi maraq göstərdiyi Tesla artıq bu ölkədə heç kimi maraqlandırmır. 

Avtosfer.az xəbər verir ki, “T-Online” təşkilatı 100 000 nəfər arasında keçirdiyi onlayn sorğunun nəticələrini elan edib. Sorğunun nəticəsi göstərir ki, respondentləri 94 faizi Tesla elektromobili almaq istəmir. Almanların cəmi 3 faizi Teslaya maraq göstərir. Rəyi soruşulanların qalan hissəsi tərəddüd edir.

Fevralda Teslanın Avropada satışları 41 faiz azaldığı halda, Almaniyada geriləmə 70 faizi ötür.
Teslanın satışlarının çökməsi onun rəhbərinin davranışları ilə bağlıdır.

İlon Maskın vaxtaşırı siyasi bəyanatları, Avropanın daxili işlərinə müdaxiləsi qitədə narazılıq yaradıb. Maskın son seçkilərdə ifrat sağçı Almaniya üçün Alternativ (AfD) Partiyasını dəstəkləməsi təkcə almanları deyil, bütün avropalıları qəzəbləndirib.

Vüqar Yaşaroğlu