Avtomobillərdə yeni tip hava yastıqları quraşdırılacaq? - FOTO

Bu gün bütün normal avtomobillərdə hava yastıqları mütləq şəkildə quraşdırılır. Söhbət təbii ki, İranda, Rusiyada, Keniyada və ya Somalidə yığılan maşınlardan getmir. 

Avtosfer.az xəbər verir ki, Almaniyanın ZF şirkəti ayaqlar üçün də hava yastıqları hazırlayır. Bu elementlərin məqsədi qəza zamanı ayaqları qorumaqdır. Hələlik heç bir istehsalçıya bu tip yastıqları avtomobilə quraşdırılmaq tələbi qoyulmayıb. Lakin artıq bir neçə dövlətdə belə bir məsələ gələcək üçün qeydə alınıb. Başqa sözlə, yaxın illərdə ayaqlar üçün hava yastıqları olan avtomobil görsək buna təəccüblənmək lazım deyil. Bunlar ilk növbədə sürücü və qabaqda əyləşən sərnişin üçün nəzərdə tutulub.

Qəzaların təhlili göstərir ki, üzbəüz toqquşma zamanı ayaqlar da çox ciddi zədə alır. 

Qeyd edək ki, ilk hava yastığı 1952-ci ildə icad edilsə də, onun kütləviləşməsi təxminən 40 il çəkib. Lakin bu gün də, yuxarıda adlarını çəkdiyimiz ölkələrdə bu detal olmadan çox sayda avtomobil istehsal edilir.

Vüqar