Çaylar quruyur, Hitler dövrünün maşınları üzə çıxır

Avropada Reyn, Elba və Dunay kimi böyük çaylarda su səviyyəsinin tarixi minimuma enməsi təkcə gəmiçiliyə və suvarmaya problem yaratmaqla qalmayıb, başqa maraqlı artefaktların da üzə çıxmasına səbəb olub.

Avtosfer.az xəbər verir ki, ötən həftə bolqarıstanlı tarixçilər Roma dövrünə aid körpünün qalıqlarına rast gəlmişdilər. Daha əvvəl Vermaxta məxsus tank Reyn çayında üzə çıxmışdı.

Bu günlərdə isə Dunayın Budapeştdən keçən hissəsində Hitler ordusuna məxsus motosiklet üzə çıxıb. Mototexnikanın yanında 2 alman əsgərinin skeleti və bir mina da aşkar edilib. 

Bu cür tapıntılar avropalı avtomobil kolleksiyaçılarını hərəkətə keçirib. Onlar quruyan çaylarda qalmış texnikanı əldə etmək üçün müxtəlif platformalarda elanlar yerləşdirir, qalıqları tapanlara mükafat vəd edirlər.

Suda 80 ildən çox qalmış texnika təbii ki istismara tam yararsızdır. Lakin, kolleksiyaçılar üçün onların dəyəri böyükdür.

Vüqar