Çin avtomobillərindən İsrail kəşfiyyatı da ehtiyat edir

İsrail Özünümüdafiə Qüvvələrinin Baş Qərargahı ordunun avtomobil parkındakı Çin istehsalı olan avtomobillərin inventardan çıxarılmasına göstəriş verib. İlk növbədə məxfi informasiya və kəşfiyyata məsul zabitlərin avtomobilləri dəyişdiriələcək.

Avtosfer.az “Israelhayom” saytına istinadla xəbər verir ki, komandanlıq bu avtomobillərin casusluq məqsədi ilə istifadə edilməsindən ehtiyatlanır. 2026-cı ilin martınadək bütün avtomobillər yenilənməlidir.

Hazırda İsrail ordusunun balansında olan 700 Çin avtomobilinin əksəriyyətini “Chery” markalı elektromobillər təşkil edir. 7 yerlik bu maşınlar əsasən çoxuşaqlı zabitlərə verilir.

Bir müddət əvvəl çinli istehsalçıların silahlı qüvvələrin tenderlərində iştirakı dayandırılıb. Bunun ardınca isə hərbi hissələrə Çİn avtomobilləri ilə daxil olmaq tam qadağan edilib. 

Qeyd edək ki, Norveçdə də Çin istehsalı olan texnikanın informasiya toplaması ilə bağlı təhqiqat aparılır.

Daha ətraflı: 
https://avtosfer.az/az/avtosfer-foto/cin-azerbaycana-satdigi-bu-avtobuslari-uzaqdan-idare-edib-melumatlari-ogurlaya-biler-sok-detallar-foto-306683

Vüqar