Çin avtomobillərinin daha da ucuzlaşması arzulanır

Avtomobil sənayesinin beşiyi sayılan Avropaya son illərdə Çin modelləri də ayaq açıb. Lakin qitədə Çin texnikasının möhkəmlənməsi heç də asan başa gəlmir. 

Avtosfer.az xəbər verir ki, avropalıların Çin avtomobilində ən çox diqqət yetirdiyi məqam qiymətdir. Başqa sözlə, avropalı alıcıda Çin maşını yalnız qiymətinə görə maraq doğurur.

Bu günlərdə “Escalent” analitik qrupunun 5 Avropa ölkəsində keçirdiyi sorğu başqa məqamı da ortaya qoyub. Məlum olub ki, avropalılar Çin maşınlarının daha 10 faiz ucuzlaşmasını istəyirlər. Bu təqdirdə maraq daha da arta bilər.

Amma heç də bütün Çin modelləri ucuz sayılmaz. Məsələn,  Almaniya istehsalı olan Volkswagen ID.3. modeli 33 330 avroya satıldığı halda, MG4-ün qiyməti 35 000 avrodur. 

Ötən ilin statistikası göstərir ki, köhnə qitədə BYD, MG, Nio və Xpeng  markalarının satışları 15 faiz artıb. Bu onlar 2024-cü ildə avropalılara 370 000 maşın sata biliblər.

Digər istehsalçılar isə avropalı müştərilərin inamını qazanmaqda ciddi çətinliklə üzləşirlər.

Vüqar