Çin yeni model sayına görə Avropanı qabaqladı, amma...

2024-cü ildə dünyada 162 yeni modelin təqdimatı həyata keçirilib. Siyahıya restaylinq edilmiş modellər daxil deyil. 

Avtosfer.az xəbər verir ki, faktı Motor 1 saytı yayıb. Təkcə çinli istehsalçılar 79 model təqdim ediblər. Halbuki Avropada təqdim edilən model sayı cəmi 49-dur.

Lakin bir fərq də var. Avropalı istehsalçılar bir qayda olaraq xarici bazar üçün modellər hazırlayırlar. Çinin təqdim etdiyi modellərin mütləq əksəriyyəti daxili bazara nəzərdə tutulur və rəsmi şəkildə ixrac edilmir. Doğrudur, əcnəbilərin bu modelləri Çİndən alıb vətənə aparmasına yerli hakimiyyət heç bir qadağa tətbiq etmir. Lakin bu modelləri alanlar qısa müddət sonra servis problemi ilə üzləşirlər. Səbəb proqram təminatının və kataloqların Çin dilində olması, ehtiyat hissələrinin Çin xaricində əlçatan olmamasıdır.

Vüqar