Çində hibrid modellərə güzəştlər ləğv edilir – XARİCƏ MÜMKÜN TƏSİRİ 

2027-ci il yanvarın 1-dən etibarən Çində hibrid modellərə və hidrogenlə işləyən avtomobillərə güzəştlər ləğv edilir. 

Avtosfer.az xəbər verir ki, Çin hökuməti bu qərarı öz məqsədlərinə çatması ilə izah edir. Vergi güzəştləri 2012-ci ildən tətbiq edilirdi. Bunun nəticəsində elektromobil, hibrid və hidrogen modellərinə maraq artıb. İyunda Çində satılan təzə avtomobillərin 62 faizdən çoxu sözügedən kateqoriyalardan olub.

Daxili bazarda artan maraq istehsalçıları da temp artırmağa vadar edib. Yerli bazar dolduğundan istehsalçılar xaricə yönəlirlər.

Elektromobillərə vergi tətbiq olunmur. Çin qanunvericiliyinə görə maşına vergi mühərrikin həcminə görə hesablanır. Elektromobildə isə yanacaqla işləyən mühərrik olmadığı üçün məntiqi olaraq vergitutma obyekti də yoxdur. 

Yeni vergilər daxili bazarda satışların müəyyən qədər azalmasına səbəb olacaq və istehsalçılar xarici müştəri axtarmağa məcbur olacaq. Bunu isə cəmi bir neçə istehsalçı bacaracaq. Elə rəsmi pekin də istehsalçı sayının azlmasında maraqlıdır. 

Bu qərardan sonra xarici bazarda Çin avtomobillərinin qiymətinin necə dəyişəcəyi isə həm də geosiyasi amillərdən asılı olacaq.

Vüqar