Dubayın maşın bazarı belə işləyir - FOTO

Birləşmiş Ərəb Əmirlikləri azərbaycanlıların avtomobil almaq üçün üz tutduğu əsas yerlərdən biridir. Əmirliyin ən çox avtomobil alveri olan şəhəri Dubaydır. Bəs bu şəhərdə avtomobil satışı necə təşkil edilib?

Avtosfer.az xəbər verir ki, Dubayda hər avtosalon adətən bir neçə markanın satışı ilə məşğul olur. Salonlarda həm təzə, həm də ikinci əl avtomobillər təqdim edilir. Almazdan əvvəl test sürüşü sifariş vermək mümkündür.

Dubayda avtomobil almaq üçün burada yaşayış icazəsinin olasına ehtiyac yoxdur. Bura bir neçə günlük səfər edən hansısa turist də avtomobil ala bilər. Ondan tələb olunan yeganə sənəd pasportdur.

Avtosalonda ödəniş həm köçürmə, həm də nağd ola bilər. Lakin Şərq ənənəsinə uyğun olaraq satıcılar nağd ödənişi daha çox sevirlər.

Dubayda maşın almağın digər variantı hərraclardır. Hərracda iştirak etmək istəyən şəxs satın almaq istədiyi maşının start qiymətinin 30 faizini beh kimi qoymalıdır. Maşın başqasına qismət olsa beh sahibinə qaytarılır.
Üçüncü satış üsulu isə elan saytlarıdır ki, bunun üçün də ərəb dili bilmək şərtdir.

Vüqar