Ekspertlər 2026-cı ilin ən yaxşı 5 krossoverini açıqladı

Yeni avtomobil almaq müəyyən risklər daşıyır. Bəzən alıcılar gözlədikləri nəticəni əldə etmirlər. Bununla belə, bazarda kifayət qədər uğurlu modellər də mövcuddur. Avtosfer.az "Qaynarinfo"ya istinadən xəbər verir ki, avtomobil ekspertləri "GoBankingRates" nəşrinə açıqlamalarında 2026-cı ildə qiymətinə layiq hesab edilən beş yeni krossover modelini təqdim ediblər. Onların sözlərinə görə, bu avtomobillər öz seqmentlərində ən yaxşı modellərdən hesab olunur.

2026-cı ilin ən yaxşı 5 krossoveri:

"Audi Q6 E-tron"

"CFR Classic" şirkətinin satış və marketinq direktoru Co Giranda bildirib ki, "Audi Q6 E-tron" komfort və idarəetmə qabiliyyəti arasında ideal balans təqdim edir. Onun sözlərinə görə, bu elektrik krossoveri premium hissiyyatdan imtina etmədən elektromobilə keçmək istəyən sürücülər üçün əla seçimdir.

"Hyundai Palisade Hybrid"

Giranda qeyd edib ki, "Hyundai Palisade Hybrid" qiymət və keyfiyyət nisbəti baxımından ən yaxşı üçsıralı hibrid krossoverlərdən biridir. Onun fikrincə, bu model əlavə genişlik və rahatlıq axtaran ailələr üçün ideal seçimdir.

"Toyota RAV4"

"Wheels Away" şirkətinin avtomobil eksperti Lyuk Osvald bildirib ki, "Toyota RAV4" modelinin müstəqil kraş-testlərdə yüksək nəticələr göstərməsi və etibarlılığı alıcıların bu avtomobilə olan etibarını qoruyur. O əlavə edib ki, modelin qiyməti tədricən azalır və bu da onu ikinci əl bazarında sərfəli satış üçün cəlbedici edir.

"Honda CR-V"

Co Giranda qeyd edib ki, "Honda CR-V" aşağı yanacaq sərfiyyatı və komfortlu asqı sistemi ilə tanınır. Bundan əlavə, bu krossoverin interyeri də olduqca praktik hesab olunur.

"Subaru Forester"

Lyuk Osvald sürücülərə "Subaru Forester" modelinə də diqqət yetirməyi tövsiyə edib. Onun sözlərinə görə, bu krossover yüksək etibarlılığı və təhlükəsizlik səviyyəsi ilə seçilir.