Hibrid avtomobil: Qazanc, yoxsa zərər?

Adətən hibrid avtomobili seçənlərin ilk fikri qənaət etmək və komfortlu sürüşdür. Lakin çox şey praktik istifadədən asılıdır. Bəzi hallarda hibrid avtomobil sürücü üçün əlavə xərcə çevrilir. Bəs səbəb nədir?

Avtosfer.az xəbər verir ki, hibridin səmərəli olması üçün müxtəlif ssenarilər mövcuddur. Şəhər rejimində bu maşınlar daha qənaətcildir. Vaxtaşırı dayanma və hərəkət nəticəsində enerji bərpa olunur və sərfiyyat azalır. 

Lakin eyni şeyi uzaq məsafəyə sürüşdə söyləmək mümkün deyil. Bu baxımdan uzaq yolda dizel mühərriki daha səmərəlidir.

Doldurulabilən hibridlərin problemi isə əsasən şəbəkə iıə bağlıdır. Batareyalar vaxtaşırı doldurulmadıqda, hər şey yanacağın ümidinə qaldıqda, sərfiyyat ciddi şəkildə artır. Bu təqdirdə hibrid model bahalı və ağır avtomobilə çevrilir. 

Müqayisə üçün deyək ki, 2000-ci illərdə çox adam qənaət üçün dizel mühərrikli avtomobil seçirdi.  Lakin ildə 10 min kilometrdən az yol qət edən adam üçün bu seçim qənaət deyil, artıq xərc idi. İndi eyni hibrid və elektromobilə münasibətdə eyni vəziyyət müşahidə edilir.

Vüqar Yaşaroğlu