“Qazel”in məşhur mühərrikinin istehsalı dayandırıldı - FOTO

Rusiyanın Zavoljsk Avtomobil Zavodunun saytından məşhur ZMZ-406 mühərriki ilə bağlı məlumat silinib.

Avtosfer.az xəbər verir ki, bu 2,3 litrlik benzin mühərriki 90-cı illərin ortalarından 2000-ci illərin ortalarınadək “Qazel” və “Volqa” avtomobillərində quraşdırılıb. Bundan sonra mühərrik təxminən 20 il ehtiyat hissəsi kimi ikinci bazar üçün istehsal olunub.

Bundan sonra daha böyük həcmli ZMZ-405 (2,5 litr) və ZMZ-409 (2,7 litr) mühərriklərin istehsalı başlayıb və bu gün də davam edir.

Məlumatın saytdan çıxarılması zavodun mühərriki satışdan çıxarması anlamına gəlir. Lakin yaxın illərdə hələ də bu mühərrikin təzəsini ehtiyat hissə satıcılarından əldə etmək mümkün olacaq. Hazırda mühərrikin qiyməti Rusiya bazarında təxminən 6000 manatdır.

Vüqar