Tarixin ən fantastik "Ferrari"si göstərildi - VİDEO

İtaliyanın Ferrari avtokonserni Maranello şəhərindəki baş ofisində qapalı mərasim təşkil edərək iki yeni avtomobil modelini təqdim edib. Avtosfer.az milli.az-a istinadən bildirir ki, bu maşınlar 1950-ci illərin yarış Ferrari-ləri stilində hazırlanmış Ferrari Monza SP1 və Ferrari Monza SP2 barkettləridir. Hər modeldən satışa cəmi 200 maşın çıxarılacaq. Monza SP1 modelində sərnişin oturacaqları, ümumiyyətlə, yoxdur. SP1 və SP2-dəFerrari 812 Superfast modelinin idarəetmə vasitələri, oturacaqları, ön şüşəsi var. Rodster tipli maşınlar 6,5 litr həcmli V12 mühərrikləri ilə təchiz olunublar. 7 pilləli sürətlər qutusuna birləşdirilmiş mühərrik 800 at gücündədir. 340 km/saat maksimal sürətli modellər 100 km/saat sürəti 2,9 saniyədə əldə edir. SP1 və SP2 modelləri Parisdə keçiriləcək beynəlxalq avtosalonda nümayiş olunacaq.