“Volkswagen” və “Audi” yüz minlərlə avtomobili geri çağırır

Almaniya Federal Avtomobil Nəqliyyatı İdarəsi ölkədə 900 min “Volkswagen” və “Audi”nin geri çağırıldığını elan edib. 

Avtosfer.az xəbər verir ki, buna səbəb sükan mexanizminin boltunun paslanmasıdır. Korroziyaya məruz qalmış bolt qopa və avtomobili idarəolunmaz vəziyyətə gətirə bilər.

Problem parklama zamanı özünü daha aydın göstərə bilər. Nasazlığın aradan qaldırılması üçün bolt dəyişdirilməlidir. 

Kampaniyaya 1 sentyabr 2023 – 1 iyul 2024-cü illərdə istehsal edilmiş “Volkswagen Tiguan”, “Touran”, “Golf Variant”, “Caddy” “Golf” modelləri düşür.

31 oktyabr 2017 – 23 may 2024-cü illərdə istehsal edilmiş “Audi Q3” sahibləri də servisə baş vurmalıdırlar.

Vüqar