"Volvo" Stokholmdakı ofisini bağlamağa hazırlaşır

“Volvo Cars” Stokholmdakı 450 əməkdaşın çalışdığı ofisini bağlamaq qərarına gəlib.

Avtosfer.az xəbər verir ki, ofisin 2027-ci il martın 1-dək bağlanması planlaşdırılır. Şirkət bunu xərclərin azaldılması və əməliyyatların sadələşdirilməsi strategiyasının bir hissəsi kimi təqdim edib.

Maraqlı tərəf odur ki, həmin ofis sıradan inzibati mərkəz deyil — burada proqram təminatı, süni intellekt və rəqəmsal müştəri təcrübəsi üzrə işlər aparılırdı. "Volvo" bu fəaliyyətləri əsasən Göteborqdakı baş qərargahda birləşdirməyi planlaşdırır.

Bu qərar "Volvo"nun daha geniş restrukturizasiya proqramının davamıdır. Şirkət daha əvvəl əsasən ağ-yaxa işçiləri əhatə edən 3 000 iş yerinin ixtisarını açıqlamışdı. "Volvo"nun əksər səhmləri Çinin Geely şirkətinə məxsusdur.

Səfər