Ağac altında avtobus gözləyənlər - PROBLEM - VİDEO

Avtoreyd 16 İyul 2016 01:30 Oxunub 1573
Ağac altında avtobus gözləyənlər - PROBLEM - VİDEO
WhatsApp kanalımıza abunə ola bilərsiniz
Dayanacaqlar antisanitar vəziyyətdə olmaqla yanaşı, divarlarına müxtəlif sözlər yazılıb

Xaçmaz-Xudat yolunun üzərində yerləşən sərnişin dayanacaqlarının əksəriyyəti bu vəziyyətdədir. Müasir dövrün tələblərinə cavab verməyən dayanacaqların əksəriyyətinin istismar müddəti bitib, ya da qəzalı vəziyyətdədir. Ona görə də bu dayanacaqlardan istifadə edənləri barmaqla saymaq olar. Bu üzdən əksər vətəndaşlar ağacların altında dayanmağa üstünlük verir.

Dayanacaqlar antisanitar vəziyyətdə olmaqla yanaşı, divarlarına müxtəlif sözlər yazılıb. Əraziyə nəzarət edən 5 saylı Yol İstismar İdarəsinin rəisi İskəndər Hacıyev məsələ ilə əlaqədar bildirib ki, yol qurğularını korlayan, ziyan verən şəxslər barəsində vaxtaşırı müvafiq orqanlara müraciət edilir. Bununla yanaşı, qarşıdakı dövrdə bir sıra dayanacaqların təmir edilməsi nəzərdə tutulub: "Gəndobdan Xaçmaza kimi olan dayanacaqlar təzələnib. Yol təmir olunan zaman yararsız vəziyyətdə olan dayanacaqlar bərpa olunub. Xaçmazdan Xudat istiqamətində olan dayanacaqlar 60-70-ci illərin dayanacaqlarıdır. Çay daşlarından tikilən dayanacaqlardır. Bu il onların sökülməsinə qərar vermişik. Hissə-hissə əhəmiyyətinə görə yeni dayanacaqlar tikməyi nəzərdə tutmuşuq".

5 saylı Yol İstismar İdarəsinin balansında 34 avtobus dayanacağı var. Bunlardan 2-si Xaçmaz-Quba, 1-i Qusar-Xudat, geriyə qalan 31-i isə Gəndob-Xaçmaz-Qusar-Rusiya Federasiyasının dövlət sərhədi avtomobil yolunun ərazisinə düşür.

ŞƏRH YAZ
Ad

E-mail

Şərh