Avropa Qran-prisinin sonuncu sərbəst yürüşü başa çatıb

Bakıda keçirilən Avropa Qran Prisinin sonuncu sərbəst yürüşü başa çatıb. 

Avtosfer.az məlumatına görə, ən yaxşı göstərici yenə də "Mercedes"in pilotu Lüis Hamiltona məxsusdur. 

31 yaşlı pilot 1:44.352 dəqiqəlik göstərici nümayiş etdirib. Hamiltonu 1:44.610 dəqiqəlik nəticə ilə komanda yoldaşı Niko Rosberq izləyir. Siyahının üçüncü pilləsində isə 1:45.540 dəqiqə ilə “Force İndia”nın pilotu Niko Hülkenberq qərarlaşıb.

Qeyd edək ki, bu pilotların sonuncu sərbəst yürüşü olub. İlk iki sərbəst yürüşdə də ən yaxşı nəticəni Lüis Hamilton nümayiş etdirib.