Avtobusa əlavə oturacaqlar yerləşdirilib - VİDEO

Arxa hissəyə qanunsuz olaraq kustar üsulla əlavə oturacaqlar quraşdırılıb. Bəzi yerlərdən isə daha çox sərnişin yığmaq üçün mövcud oturacaqlar çıxarılıb. Kadrlar "Xətai" metrostansiyası - Hövsan istiqamətində hərəkət edən 175 saylı marşrut avtobuslarındandır. Avtobusların hamısı dağılmış haldadır və təhlükəsizlik tələblərinə cavab vermir. Üstəlik bu avtobusların daxilində konstruksiya dəyişikliyi də edilib.

Standarta uyğun olaraq bu avtobuslarda arxa hissədə 3 oturacaq olmalıdır. Ancaq görürük ki, bura əlavə iki oturacaqda quraşdırılıb. Bunu elə onların rəngindən də görmək mümkündür. Bu oturacaqlar kustar üsulla quraşdırıldığı üçün olduqca təhlükəli sayılır. Avtobuslarda natəmizliyin baş alıb getməsi də, sərnişinlər üçün vəziyyəti daha da acınacaqlı edir

Sürücülər isə müxtəlif cavablarla məsuliyyəti üzərlərindəna atmağa çalışır. Avtobusların məxsus olduğu şirkət məsələyə münasibət bildirmədi. Bakı Nəqliyyat Agentliyinin mətbuat xidmətinin rəhbəri Nuridə Allahyarova deyir ki, sözügedən problemlə bağlı 175 saylı avtobusun məxsus olduğu şirkətə xəbərdarlıq edilib. Əgər xəbərdarlığa əməl edilməsə həmin marşurut ləğv ediləcək.