Azərbaycanda iki ağır qəza - Hər ikisində "07" var - VİDEO

Minik avtomobilləri toqquşdu, iki nəfər öldü. Ağır qəza Cəlilabadın Dövlətalıbəyli kəndində baş verib. Rayonun Tahirli kənd sakini, Telman Ağayevin idarə etdiyi minik avtomobili qarşıdan gələn, Kövüzbulaq kənd sakini  Həbulla İbrahimovun sükan arxasında olduğu minik maşını ilə toqquşub. Hər iki sürücü hadisə yerində ölüb. Sərnişinlər-Xatirə İbrahimova və onun azyaşlı oğlu Feyruz İbrahimov müxtəlif bədən xasarətləri ilə Cəlilabad Mərkəzi rayon xəstəxanasına yerləşdiriliblər.

Xatirə İbrahimovanın vəziyyəti daha da ağırlaşdığından paytaxtdakı xəstəxanalardan birinə göndərilib. Qəzanın yüksək sürət səbəbindən baş verdiyi ehtimal edilir.

Qobustanda baş verən qəzada isə 1 nəfər dünyasını dəyişib. Bakı-Şamaxı yolunun "Acıdərə" adlanan ərazisində iki minik maşını toqquşub. Avtomobillərdən birində olan sərnişinlər-37 yaşlı Samirə Şükürova, 57 yaşlı Südabə Bayramova və onun bacısı, 58 yaşlı Roza Bayramova müxtəlif dərəcəli bədən xəsarətləri ilə Şamaxı rayon Mərkəzi Xəstəxanasına yerləşdiriliblər. Həkimlərin səyinə baxmayaraq, Südabə Bayramovanın həyatını xilas etmək mümkün olmayıb. Digər xəstələrin vəziyyəti kafidir.

Hər iki faktla bağlı araşdırma aparılır.