Azərbaycanda silahlı şəxslər yol nişanlarını güllələyib deşik-deşik etdi - VİDEO

Quba-Xınalıq yolundakı yol nişanları naməlum şəxslər tərəfindən güllələnir. Ərazidə bəzi dirəklərdə yol nişanı yoxdur, olan nişanlarda da güllə izləri var. Buradan keçərək ova gedənlər yol nişanlarını güllələyərək bu hala salıblar. 20-ə yaxın nişan yararsız vəziyyətə düşüb. Hətta kəsici alətlərlə nişanları zədələyənlər də var. Quba 5 saylı Yol İstismar İdarəsindən bildirilir ki, nişanlar əsasən gecə saatlarında müxtəlif kalibrli ov tüfəngləri ilə güllələnir. Gündüzlər idarənin əməkdaşları ərazidə olduğundan bu hal müşahidə olunmur. Nişanın dəyişdirilməsi də fayda vermir. Çünki bir neçə gün sonra yenə bu hala salınır.

Məsələ ilə bağlı Quba Rayon Polis Şöbəsinə də məlumat verilib. Lakin hələlik saxlanılan olmayıb.