"Bakı Formula 1-i bir çox ölkələrdən daha yaxşı təşkil edib"

"Bakı Formula 1-i bir çox ölkələrdən daha yaxşı təşkil edib və hər şey xoşumuza gəlir".

Avtosfer.az xəbər verir ki, bunu trend-ə Bakıya "Formula 1" yarışını izləməyə gəlmiş rusiyalı turist Vladislav Korpenko deyib.

Turist qeyd edib ki, Bakıda "Formula 1" yarışı ölkədə turizmin inkişafına yeni təkan verəcək: "Belə tədbirlər şəhər infrastrukturunu da inkişaf etdirir".

V.Korpenko Bakıya heyran qaldığını deyib: "Bakı gözəl şəhərdir. İnsanlar ünsiyyətcildirlər. Milli təamlarınız, xüsusilə də kabablar çox xoşumuza gəldi".

Qeyd edək ki, iyunun 18-də Bakıda "Formula 1" Avropa Qran Prisinin ikinci günü başlayıb.

Hər biri iki pilotla təmsil olunan 11 komandanın birincilik uğrunda mübarizə apardığı yarış trekinin uzunluğu 6 kilometrdir. Bakı Şəhər Halqasında dünyanın ən məşhur pilotları - 

Luis Hamilton, Fernando Alonso, Niko Rosberq, Sebastian Fettel, Valtteri Bottas və digərləri yarışırlar.