Bakıda səfirlik avtomobilinin kobud qayda pozuntuları - VİDEO

Bakıda səfirlik avtomobili kobud qayda pozuntularına yol verib. Musavat.com-un məlumatına görə, hadisə bu səhər Yasamal rayonu ərazisində, Həsən bəy Zərdabi küçəsində qeydə alınıb. 006 D 057 nömrə nişanlı “Ford” markalı avtomobil geriyə dönmə əməliyyatını yerinə yetirərkən qarşı hərəkət zolağına çıxıb və qəza şəraiti yaradıb. Buna etiraz edən sürücünü söyən səfirlik sürücüsü daha sonra yolboyu yersiz manevrlərlə avtoxuliqanlıq hərəkətləri edib, “20 Yanvar” dairəsində isə hərəkət üstünlüyünə malik olan avtomobillərə yol verməyərək, hərəkətini davam etdirib. Avtomobili idarə edən şəxs Azərbaycan vətəndaşı olub.

Qeyd edək ki, 006 seriyalı diplomatik nömrəli avtomobillər ABŞ-ın Azərbaycandakı səfirliyinə məxsusdur. 

P.S. Video aprelin 26-da çəkilib. Videogörüntülərdəki 27.08.2012 tarixi və saat videoregistratorun zaman ayarlarındakı yanlışlıqla bağlıdır.