Belələrinin maşını cərimə meydançasına aparılmalıdır, ya yox? - VİDEO

Bura Kliniki Tibbi Mərkəzin ("Semaşko") ətraf küçələridir. Taksi sürücüləri yolun hərəkət hissələrini, piyada keçidlərini və səkiləri zəbt ediblər. Hətta, onlar dayanma-durmanı qadağan edən yol nişanlarının altında elə dayanıblar ki, sanki belə də olmalı idi. Bu azmış kimi, yolayrıcında da maşın saxlayıb mühtəri gözləyirlər ki, bu da piyadaların və yolayrıcında sağa-sola dönən digər avtomobillərin hərəkətinə çətinlik yaradır. Buna görə də, bu gün Dövlət Yol Polisi həmin ərazidə təmizləmə aparıb və bir neçə avtomobil cərimə meydançasına aparılıb. Lakin sürücülər yenə də maşını qadağan olunmuş yerlərdən götürməyiblər. Avtosfer.az-ın məlumatına görə, DYP əməkdaşları həmin ərazidən maşınların bir qismini evakuasiya edərəkən digər sürücülər maşını sürüb oradan uzaqlaşsalar da, sonradan yenə həmin əraziyə qayıdıblar. 

Elmin